থৌ বরা বরা ঘুম তালকরের। রাতি নুঙেই নঙতালর মাপা উহানরমা সরাহাল রাজার নিঙল হাতোগি আয়া লামলাগা। তানু স্বর্গর রাজা আগরাং নিক্কা ফুল সাতগল ফুলর ডাল বানেয়া দিতারাগাতা। হান্তে তানু শিঙনা দিয়া কুঙগই আগে কতি হবাতা ছিড়ানি বুলিয়া হই হই করিয়া ছিড়তারা। তা এগই চেয়া খাঙ লাগিল, কি চমৎকার হবা নিঙল দাপাহান-এ। ছিরিয়া লমইতে আগ আগ করে যানা অকরলাতা, তা হাতে হাতে চেপইলগা। খুলি উগতে তুম্বুরগ করে ছিড়িরিতা থাংতে তেই খানি তাপইলি। লময়া যিংগা বুলতেতে ইনাফিহানর চুটিগত থক্ক ধরে বেল্ল। - হইমা হইমা কিহান করলেতা মোরে এরা দিয়াদে ডিলইলু ফুলডাল কাতকরে নুয়ারতৌ মি। বরগ নাপাত পড়লু মোরে এরা দিয়াদেরে। - এরাতে দিতৌ মাত তোর পরিচয়হান কিহান। – মি স্বর্গর সরাহাল রাজার জিলক। আমি সাতগ বনক। স্বর্গর হাবিত্ত হবা রাজার পুতকগরে আমি সাত বেইবুনিয়ে নিক্কা ফুলর ডাল দিয়ারগা। হাবিত্ত হবা করে যেগই যেদিন দিয়া পারতাঙাই উগরে তা বিয়া করতই। উহানল আমি এপেই ফুল ছিড়াত আহেছিতা। আইত্তে মি নাঙো নুয়ারতৌ মোরে এরাদে। – উহান অইলে সারা বাগানহানর ফুল এতা শাতকরে দিয়া যাগা। খুলি নিঙল উগই সেরকো আতা আহান