দেশহান হায় হায় করানি অকরলা। আকদিনতে আরাক রাজার পুতক আগ ঘরর লগে অশান্তি অয়াতে ছদ্মবেশে নিকুলিলতা লেইরাপা দিনমজুর আগর সাজহানল। আহিতে আহিতে এরে রাজার লেইফামে আয়া ফৌয়ইলহা। তারে এরে রাজা এগই জেরা কইলতা এরে পাহারা এহান পারতেইতা বুলিয়া। পারলেতে রাজ্যহানর অর্ধেক দিতাঙাই বুলিয়া মাতল। এরে ছদ্মবেশী রাজার পুতক এগই হাই বুলিয়া পাহারার কাম এহান লইল। উদিন রাতিকার ডিউটিহান তারে দিলা। রাতি বারোটার পিছেত্ত বাগান উহান বুজিয়া ফুল শাতনি অকরল। দেহিয়া হারৌয়ে থানার ফাম না পানির ঠার উহান পারা অইল। কপালে নেইলে যেহান- হাদিরমা বয়া ঘুম আকচুটি দিয়া উঠিয়া চার থাং উদুমদুয়া, নেই কুরাং পেইলে ফুল! মনহানরমা জবর কপ পা পইলগা। রাজার পুতক নাই অরতে তাউ। হিন কামতে পারলেহে বা করলেহে নাই। তবু মহারাজারাং মিছাহান মাতলগা। আকগ ফুলগ দেখলু হান্তে বিয়ানহান ফুয়েইতে ফুয়েইতে নেই। কালি যেসাদেউ ফুল, যেসাদেউ বাগানে বিয়ান পেয়াহে থৌয়ানির চেষ্টা করতৌ। দয়া করিয়া আরাক আকদিন সময় দিক মহারাজা। পিছর দিনেউ তার রাতিকার ডিউটি। বারো হৌদিনকার সময় উহান অইলতাই ফুল এতা ইকা কায়া শাতনি অকরল। উদিনতে আহিত