নুন বরানির আগে। তঙাল করিয়া থইল মেঠেল উতাত নুন নাদিরি। হিনেয়া পুরপারেয়া পাংকটে বহিলা রাজ-অতিথি এহান। বেয়কশৌ উগ দাপদে দাপদে লেইসি বেইসি করিয়া গইগ অছে। হৌতে তেই নিজে খেরি বুজিয়া বিলেইরিগা। নুন না য়ৌয়ছে হৌ উতা মাহি বাপকরাং নিয়া বরাদিরি। অতিথি এহানে হুয়াতহানে টাক সলকরতে বাপক এগ এগদে হৌগদে রেং রেং চার। আগই মাতের- নুয়া রানী এগ লক্ষ্মীগহে, নুনর চাং, মকসির চাং হেলৌ নাছে য়াতৌ নাছে। থক্ক অছেগা। আরাক আগই মাতের— জনম এহান কত কত বার্তন খেয়া আহিয়ারতা, আকেইদিন ধুমার গত আহের, নাইলে মকসি আকয়া নাকেদে আহিয়েদে জল বেলেয়া খাংকরিয়ারকো। আইত্তে স্বয়ং দৌয়ে ভাত রাধেছি পারা, গতহানলৌ পেট বুজের। এগদেতে তেইর বাপক এগ চানাপা নুননেই চামফুতগ অছে হৌ এতা জুহানাত দিয়া আপ্পানে অকাটার। আকতা আকতা আঙুলিগর জুহানাত তাংকরিয়া চার থাং হাবি চামফুত অলছে। অইতে অইতে খাংকরে নুয়ারিয়া মাতের - কিগুইজানে কিসাদে হাবিহানে অমাটিক ভাতহৌ এতা হুয়াত অছেকো বুলিয়া সলকররাইতা। মোর এতাততে আকতাতৌ নুন নাদেছি। কিতাপারা আগই মাতের- রাজাগিরিতে আজি বেরা লাগেছি। এতাপারা হৌ এতাত নুনর চাঙ নাছে বুল্লাং