থাংতে কিতা মাততাং। জিলক কাদাত আহিয়া মাতিরি— হাই রাজাগিরি! খাঙ আহানর হৌ আগরাং নুন নারগা, হাব্বিরাং নুন অছেগা— এহান কিসাদে? রাজা উগই খানি শৌয়য়া মাতের- কিহান মাততু, খাঙ আহানাত রাধলেউ মোর এতাত নুন না য়ৌয়ছে নাই। জিলকে মাতিরি— সেনাপুল আগর পানিত্ত পানি দিলে আগরাং লিকলিকা পানি পড়তই বারো আরাক আগরাং বিরবির লরতারা পক পানি পড়িয়া থার থাংতে। খাঙ আহানর হৌ আগরাং নুন নেই আগরাং নুন অরগা উহান কিসাদে অইতইতা! পাহুরলেথাং পানিত পক আছি বুলতে বিশ্বাস নাকরিয়া জিলকরে পুতকরে বনবাসে দিয়াপেঠেইলে উহান? রাজা এগই আংকরের- তিতে কিসাদে পানির পকর য়ারি এহান হুনলেতা? তিতে কুংগথাং মাত? জিলকে মাতিরি— মি তোর জিলক নাই। না মরিয়া আছুনাই বুলিয়া য়ারি উহান হাব্বিহান বাগেইল। রাজা উগই পুতকরেউ চিনল। কাদে কাদে কলকরিয়া জিপুত দ্বিয়গিরে চুমা দিল। ঘরে আলয়া লুকরে গাত আগ খুলৌয়েয়া মইলকরে জিংতা জিংতা গারেয়া মারল। পিছেদে পুতকরে লগে আনিয়া রাজাই থইলগা, নুঙেই অয়া হাব্বিহানে পুঞ্চি পালয়া থাইলা।