আয়া ফৌয়ইলগা। রাজার জিলক উগই হাতে হাতে আনৌগ মালকে লৌহল করিয়া কিসাদে বনবাসে দিয়াপেঠাছে য়ারি উহান পুল্লাপ রাজার পুতকরাং বাগেইল। য়ারি এহান হুনিয়া রাজার পুতকে হৃদিগ জবর হিনপেইল। উহানাত নিঙল উগ বারো খুল্লা বেয়করে গড়াগত কাকরিয়া নিজর কনুঙে আনিয়া ফৌকরলগা বারো নিঙল উগরে লুহোঙ করিয়া রানীগ হংকরল। আকদিন রাজার জিলক এগই রাজারে মাতিরি- রাজাগিরি মোরে তোর রানীগ হংকরলে এহান আকগয়ৌ হারনাপেইলা। মোর আতর ভাত লইবাতা তোর সাকেই সেন্নেই, কাদাবারার রাজ রাজেশ্বর, ব্রহ্মর্ষি, সাধু, কিতা বার্তন কর। মি নিজে রাধাপুড়ার ঠৌরাং করিয়া খৌয়াং। তোর মান সম্মান এহানৌ আরাকৌ ডাঙর অক। রাজাগিরিয়ে মাতের- উহান নাপেইলগাহান। রাজাই হবা তিথি আহান চেয়া হাব্বিরে বার্তন করল। রানীর আতর ভাত লনার উদিন আত্তি, গড়া, দলেইত চড়ে চড়ে রাজ রাজেশ্বর, সাধু কিতা আহিয়া কালাচিংখেইত্ত পুলইলাহা। উতা উতার হাদিত তেইর বাপকৌ আহেছে। আহিলেউ নাতে চিনের। তেইতে দেহিয়াউ চিনে বেল্ল। না টটরেয়া থাইলি। বিয়ান্ত নিংশাহান বেলব সুরাকহান নেই। মেইখ্যুগ অয়া মেঠেল মেঠেল হৌ, ভাত, ক্ষীর রাধিরি। উতাউ খেরি আকেইহান তঙাল করিয়া থইরি