বয়া আছে উহান দেখল। ‘তিতে টেইপাঙ মানুগ না বনর দৌগ' চেইতে চেইতে তা এগ ডরপানি অকরল। রাজার জিলকে মাতিরি— কিসাদেগ থাং, কিয়াকা আহেছতগ। হাই, মি এ কম এগ রাধানির ফাম আহান বিসারেয়া নুকুলেছুতা। রাজার জিলকে রাধ রাধ বুলিয়া য়াথাং দিল থাংতে তা রাধাত লেপইল। এগদে জ্বিগ ঠেলার হৌগদে নুঙপাঙ অয়া রাজার জিলকর বনঙাল্পি সাত উহান চেয়া থাইল। লমইতেগাতে কমগ পুড়িয়া ডহিয়া সালিগ অ’পড়িলগা। উতা বেলেয়া কটোয়াল উগ দাবদে দাবদে রাজার পুতক উগরাং আয়া ফৌয়ইলগা। তা আংকরের— কই কমগ আনলেতা? কটোয়ালে মাতের— না টটরেই। কমগহে বুলরগা। টেঙারা উগত নিঙলশৌ আগ দেখলু। দৌগ না মানুগ কিগুইজানে। বন উহান ঝরক ঝরক ঝিলকেয়া আছে। তেইর সাতহান চেইতে চেইতে কমগ ডহিল। য়ারি এহান হুনিয়া রাজার পুতকে নিয়াম য়েইচা অয়া হাব্বিহানরে সালকরল ঔ বনঙাল্পি পরির ঠোনা নিঙলশৌ উগরে আনানিরকা। ফৌয়য়াউ খাঙ লাগিলগা। গড়াগত থায়াই ইমে আংকরের তি দৌগ না মানুগ বুলিয়া। দৌগ অইলেতে কিহান অইলে তি হারৌ অইতেই মাত। বারো টেইপাঙ মানুগ অ’থাইলেতে মি তোরে লোহঙ করিয়া রানীগ করতৌ বাক্য দিলু। সময় উহানাত নিঙল উগর বেয়কশৌ উগ বনর ফলমূল কতগ আতহানাত ধরিয়া