গেলগা সটন দিয়া কাদ্দাহানাত হিলর চিপা আগত লুকেয়া থাইল। উপেইত থায়া চার থাংতে বনকে খেইপক আহান খেয়া খেইপক আহান চুঙগত বরেয়া থদিরি। তেই ঘুমজিয়া থাইলি। কতহান থায়া বেরহান যিতেগা তেইর থতাহানাদে দাপা দাপা পক নিকুল্লা। শৌয়ে মাপিয়ে বিরবির করে পক এতা ভাতর চুঙগত হমেইলাগা। ভাত উতা খেয়া তেংকরিয়া বারো নুকুলিয়া আইলা সেংকরে থতাহানাদে হমানিরকা। উহান দেহিয়া বেয়কে পক উতারে আকেইগ আকেইগ মারল। শৌর মাপি উগৌ বারিয়া মারেবেল্ল। বনকর পেটগৌ চকালা অইল। আপ্পানে তেয়ৌ হজাক অইলি। গারিগ ওয়াই সাঙইলি পারা। আরাক দেশ আহানাত্ত রাজার পুতক আগ অরিং সাতালে নুকুলিলতা। কটোয়াল কিতাকিতি তেংকল আহান গড়াল তার লগে সালইলা। এখুরুম বনে অরিং তালকরতে তালকরতে নিগুর টেঙারা আগত গিয়া ফৌয়ইলগা। উপেইত নেছিলাগা খানার আচা আদাক হাব্বি লয়ো পড়িলগা। আগদে পানির টাটি আরাক আগদে ভাতর বক। রাজার পুতক উগরতা ভাতর বকে আহিগদে জিনজিনি নুকুলের। এহান দেহিয়া কটোয়াল উগ যিতেগা যিতেগা রাজার জিপুত দ্বিয়গি বনবাসে আছি হিলর সুড়ঙ উগর কাদাহানাত ফৌয়ইলগা। ‘হাঃ তিতে কিসাদেগ থাং?' বুলিয়া চেইতেতে রাজার জিলক উগ টেঙারাগ পহর করিয়া