নুয়ারতারা। নিঘুর টেঙারাগত পাহিয়াপলি পেয়া নেই। ডরহানে হক চেলয়া আগরে আগই কলকরিয়া কতহান কাদলা। টেঙারাগত থাইতে থাইতে শৌ দ্বিয়গিরতা বকটাটি পানা অকরল। মুনিশৌ উগ ভিক্ষাত নুকুলিল। যিতেগা যিতেগা দুরেইর গাঙ উহানাত ফৌয়য়া ভিক্ষা মাগের। তার মেইথঙ অংতা লাকতা দেহিয়া ‘বানা উঠেরগাকো’ বুলিয়া হাব্বিয়েউ ভিক্ষা দিলা। আলয়া আহিয়া বাহার চুঙ আগ দুগ পুলকরলা। হুকানা পাতা ককঠা কুকঠা দ্বিয় বেইবুনিয়ে খমকরলা। বাহা দ্বিচিলাল তাক্করতে তাক্করতে জিগ অকরলা। বাহার চুঙে চউল পানি বরেয়া আধা কাচা হিজেয়া চউলি কিতা বৌ নেই কুনোরকম খেইতারা। নিক্কা বিয়ানে মুনিশৌ উগ ভিক্ষাত নুকুলের। বনকে ভাত রাধিরি। তেই খেয়া বেয়করকা খেইপক আহান থদিয়া ঘুমজিরি। বেয়ক বকপেয়া আয়া বনকরে উঠেয়া ভাত চেইতে ভাতর চাঙনিং আগৌ নেই। বনকে মাতিরি — থদেছিলু ভাততে কুরাং গেলগাতা? নিক্কা এসাদে ভাত থইরি, বেয়কে উদালেয়া চেইতেগা ভাত নাপার। নুঙপাঙ অয়া কুঙগই খেইলতাউ মাতে নুয়ারিরি। এগদে বেয়কে খালকরের ইমে এগই হাব্বি খেইরি সাত। মি আইলে নাগই আহান মাতিয়া বুঝেইরিহান থকছে। চাংতা চাং কিহান করিরিহান। বুলিয়া আকদিন ভিক্ষাত নাগিয়া