লাভ। রাতি নুঙেইত কটোয়াল ঘরে ডাহিয়া মাতল— এ শৌ দ্বিয়গিরে দুরেইর টেঙারা আগত মারিয়া আহোগা। এতার রকতল মি হিনেইমতা। তানুর রকত উতা বাহার চুঙে করিয়া আনিয়োকো। হাই বুলিয়া কটোয়াল উগি সালইলা। যিতেগা কুকুর আগৌ তানুর পিঠিত পিঠিত লগ ধরল। টেঙারা আগত কায়া যিতেগা যিতেগা টেঙারার হতরঙ আগত আয়া ফৌয়ইলা। শৌ উগি এতার লেম্পালে থাইতে থাইতে ঘুমজা পড়েছিগা। শৌ দ্বিয়গিরে উপেইত থদিয়া কটোয়াল উগিয়ে আগরে আগই মাততারা শৌগি এপেইত থাকা। বাঘ, সম, বন-চেরা কিতা এপেইত কানাউ নুয়ারতাই। বরন পড়লে হিলর টেপহানে কালকরতই। এ হিলর গুহা এগত কিতাপারা বনর জন্তু কিতা আইলেউ তালকরানিরকা থাংজাঙ আহান থদিলা। বকপেইলে টেঙারাগর তলে চেপয়া নাক্কালেদে আছে উরে গাঙ উহানাত গিয়া ভিক্ষা কিতা মাগিয়া খা পারতাইগা। আরাক কটোয়াল আগই মাতের যেগই যেহানমাগিয়া আহেছি উহান নাই। আলয়া আইতে আনেছিলা কুকুর উগ তুপকরিয়া উগর রকত উতা চুঙ আগত বরেয়া আনলা। শৌ উগি টেঙারাগত উবাকা ঘুমজিয়া আছি। রাতি ফুয়েইতে বেলিগ কাইল থাঙৌ তানুরে উঠাকুরা নেই। বেলিগ মিঙালহান সারয়া মেইথঙহানাত বারেইলগা উপেইত আহিগি মেলিয়া চেইতারা। কুরাং আইলাংহান মাতে