দেশ আহানাত হেইমাক আহান আছিতা। হেয়ক উগ মেস্তরির কাম করের। তানুরতা শৌ দুগ। মুনিশৌ উগর নাঙ স্বপন বারো জেলাশৌ উগর নাঙ কলাবতী। বাপক নিক্কা মেস্তরির কামে যারগা উবাকা মুনি আগ গর উগত আয়া মেস্তরির মইলকর তুলো থারগা। বাপক এগই এহান হার নাপাছে। ঠাংবই, নিউনি, আতুরা, বানুক, করাত কিতা মেস্তরির খুচু খুল্লেই য়মকরিয়া নিক্কা বিয়ানে যারগা উগ রাতি আহের। আহিলকো পুরি মালকে জিলকরে মাতিরি— তোর বাবা আহিল দুয়ারহান আংকরেদে। উদিনতে মুনি উগ ঘরে আছে, শৌ এতা ঘুমজাছি উবাকা মেস্তরি এগ আহিল। দুয়ারহান ফুকাং মুনি এগরে ধরে বেলতই— কিহান করতু বুলিয়া থাইলি মালক। উবাকা মেস্তরি এগই জিলকরে ডাহে নুয়ারিয়া জিলকরকা আনেছে হস উতা মাতে মাতে এলা দেনা অকরল- "কলালেইমারো, দুয়ার ফুকাদে। যতরর পারেং আনেছু দুয়ার ফুকাদে। উটঙর পারেং আনেছ। কলা লেইমারো দুয়ার ফুকাদে। জাকার পারেং আনেছু গুল্লির পারেং আনেছু দুয়ার ফুকাদে।" লয়ইতেগা দুয়ারহান না ফুকেইল থাংতে বাপকে ‘কলালেইমা ঘুমজাছত পাউরি, মিতে যাউরিগা' বুলিয়া বাপক মাঙইলগা। পাহিয়াগ অয়া ফরদিয়া ফরদিয়া থাইলগা। নাঙহান তারতা থাবালা কংকেই। বাপক এগই