দেশ আহানাততে বেইবুনি দাপা আহান আছিলাতা। বেয়ক সাতগ বনক আগ। বনক উগর নাঙহান দশোমতি। আকদিনতে বেয়ক সাতগি বাণিজ্যত যানার কা লেপকরলা। বেয়ক হাবিগি লুহোঙ করেছি হানতে হাবির মৌয়েই বারো বনক দশোমতিরে ঘরে থয়া তানু ঘরেত্ত নিকুল্লা। তিন মাহা পিছেদে মাইজম বেয়ক জগদীশ উগ ঘরে আহিল। তা ঘরর হাবিরকা খুত্তল আকেইহান আনেছে। আনেছেতাই আটহান চাকচাবি। বনকরকা আনেছে চাকচাবি উহানতে কতিরৌ হবা অছে বুল্লে মাতিয়া লাভ নেই। ননদকর চাকচাবিহান লোভ করিয়া বৌজক-লকেই উতাই তানুর চাকচাবি উতা না পিদিয়া থইলা। বেয়ক জগদীশ ঘরেত্ত বারো গেলগা উপেইত বৌয়েই উগি দশোমতির পিছে লাগলা। অইতে অইতে দশোমতিরে মারানির ফিক্কির আহান করলা। তানুর ঘরর পিঠিত বাসকি বুলিয়া বেয়াপা আগ আছেতা। উগর লগে বৌয়েই এতাই লোভ দেহেয়া চক্রান্ত আহান করলা কিসাদে দশোমতিরে মারানি উহান। আকদিনতে দশোমতিরেল বৌয়েই এতা বাসকির ঘরে চিড়া দুহাত গেলাগাতা। আকতাই বানতারা আকতাই এল্কা দিতারা। খুল্লি বৌজক উগই মাতিরি— দশোমতি, আইনে খানি এল্কাদেয়া, হিনপেইলু। দশোমতিয়ে বৌজকর কথাহান হুনিয়া এল্কাদেনাত বহিলি। দুগই বানতারা। বানতে বানতে আরাক