এগই। ঠুয়নিহানে নিংশা থেপয়া আহের গোলাপরতা। দাবদিতে দাবদিতে গাঙর জাঙ্গালগ পেইলহা গোলাপে। জাঙ্গালগ পানার লগে লগে গোলাপে জান-প্রাণল ডরপেইল মাসাক চিকারি আগ দিল— মোরে কালকরো...। মইলু-এ...। হবে সেন্ধার বর্তি, ধূপ-থংমেই দিতারা সময়হান। গোলাপর চিকারিগ গাঙর কোণে-কানচেলে ফৌয়ইল। ‘হাঃ কুংগ! কিতা অসেতা!” বুলিয়া লৌদে লৌদে গাঙর গাবুরাপুয়া, বুজন শৌ লাঠি-জাঠি, দা হাকেইল ওয়াকো নিকুল্লা। এবেদেতে গোলাপ জাঙ্গালগর গজে পাহাৎ অয়া ডিগলগ অয়া থাইল। জাঙ্গালগর কাদাত আয়া গাঙর মানুয়ে দেখতারাতা মুঙে ভয়ঙ্কর মূর্তি আগ! ‘হাঃ এগতে কিগ’ গাঙর মানু লাঙয়া মূর্তি ঔগরে চেয়া থাইলা। ‘হোবাই! এগতে হেবানি ঔগ না!' আকতাই মাতলা। দাপা আহানে গোলাপরে তুলিয়া নিয়া সেবাসেবিত লাগলা। আরাক দাপাহানে পেত্নী এগরে তালকরানি অকরলা। পেত্নী ঔগ মরিং পড়িং দাবদানি অকরল। তালকরতে তালকরতে গাঙর মানু সরাহানর পটগত ফৌয়ইলাহা। হরালি পেত্নী উগ সরাহানর পটগত ভয়ঙ্কর মূর্তিগল উবা অয়া ‘কি উপায়' বুলিয়া খালকরাত থেঙইলি। দা, বানুক, জাঠা, বল্লম গজেদে তুল্লা পেত্নীগরে মারানিরকা। উপায় নাদেহিয়া পেত্নী ঔগ পানিহানাত