পড়ের বরনর পানির টপ টপ শব্দ এতা গোলাপর কানহানাত না হমার। পথরমা জীব পক আগৌ নেয়সি। ‘কুক কুক কুককু কু' পেইরাক্ক পাহিয়া আগই পাখ থাপারিয়া রহানি অকরল। কুমগ পারা আধারহান। গল্লা শপার ভিতরগত কিগ আগই খলপি খলক করানি অকরল। ডরহানে গোলাপর ঠইগ তালুয়েদে কাইল। হিরিগাম সৌয়নি অকরল তারতা। ঝিল্লিককো রকতগ পারা ডাঙর আহি দুগ গল্লা শপার হাদিগত্ত নুকুলিল। ডরপেইল মাসাক আহি দ্বিয়গি দেহিয়া গোলাপরতা হুশ বুদ্ধি হাবিতা মাঙইল। তারতা আটানির পাংকাল নেয়ইল। পেইরাক্ক গল্লা শপার হাদি ফেরিয়া ভয়ঙ্কর মূর্তি আগ নিকুলিল। আত আহান তুলিয়া ডাহানি অকরল। - অ গোলাপ, অ হুনার ধন! পেত্নী ঔগর আতর আঙুলি ঔতাত মাউ নেই— হুদ্দা আড়, আড়র সপাত্ত পচা মাউ লামসে। পেত্নীগর থতাত্ত নিজর নাঙহান হুনিয়া গোলাপর গারিগ পাহাৎ পাহাৎ করানি অকরল। ‘হাঁ হাঁ হাঁ হি হি হি' হাক-বৌ চিলা চিলা করিয়া হরালি পেত্নী উগ খলকেয়া আহানি অকরল। গোলাপ ঠইগ তালুহানাত দিয়া দাবদানি অকরল। মুঙে গোলাপ, পিঠিত হরালি পেত্নী। ‘অঁ গোলাপ অঁ গোঁলাপ, নাযিগা নাযিগা!' রাঙা জুহান আত আহানর চুয়া লামকরিয়া গোলাপর পিঠি পিঠি দাবদিরি পেত্নী