সরাহানর এপার হৌপার, দ্বিয়পারেউ মানুর গাঙ— গাটর পারে পারে গল্লার শপা কতিতে গন বুলে উপায় নেই! আকয়া বেলির মিঙাল না হমার। গল্লা শপারমা হাবিত্ত যে শপাহান গন, ঔহানর কাদাত চেপইলে গারি রমকাটা বারি দের, রকত ইঙগ অর। সেন্ধাহান অনার আগেই মানু গল্লাশপা এহানর কাদাত্ত মরিক পড়িক দাবদিয়া দুরেইত যিতারাগা। হাবিত্ত গন গল্লা শপা ঔহানরমা পেত্নী আগ থাইরি। এগই মানুরে জবর লাকলা দিরি। দিনে হরালিগ অইরি, রাতিহান অইবতাই পেত্নীগর রূপহান দরিয়া মানুরে জবর লাকচা করিরি। উতারকা তেইর নাঙহান হরালি পেত্নী। আকদিনতে দুধপুরর গোলাপ এগ সরার পারে পারে যারগাতা। হাকহানৌ মেগালা করেসে। গোলাপ চালাককরে আটানি অকরল। চেইতে চেইতে সেন্ধাহান অইল। সেন্ধাহানর লগে লগে পিনপিনি বরন আকজুরি দেনা অকরল। ‘অহঃ আইত্তে কি দশাত পড়লুতা!' গোলাপ ঠুনিংশা বেলা বেলা বরনে তিঙে তিঙে, হ‍ই হই করে আটানি অকরল। নাইলহান দেহিয়া তিঙেসে আঙিহান কারিয়া মুরগত কয়ত বাদল। চারিয়োবারা কুর সাদে আধার অসে। চারিয়োবারা চিকসে কোন ইরিং পারিং নেই। হেরৌ গল্লা ঔশপার কাদাত ফৌয়ইল। গোলাপর গারিগ রমকাটা বারি দেনা অকরল। গঙ্গারার রৌ, পাতাত