হমেয়া বুড়ির আতে জিল্লিগ দিয়া মাতল, চালাককরে হইরুর ব্যাগগত এগ গাতেয়া থগা। কুনোগই মাগলেউ নাদিস। বুড়াই পিত্তিরিগর য়ারিহান বুড়িরে নাউ বাগেইল । mm পিত্তিরি উগ আর উপায় নাপেইল। বাধ্য অয়া বুড়া উগর গরে থায়া কাম করানি অকরল। এসাদে আকদিনতে, পিত্তিরি উগই লপুকগত আলহান বারতা। আলহান বেইতে বেইতে বুড়া উগই লেইসি আহান করানি মনেয়া য়াথাং দিল- যাগাতা, গরে গিয়া তোর খুড়িরাত হজক আককারি হংকরিয়া লাগেয়া আনগাতা ৷ পিত্তিরি উগ য়াথাংহান পেয়া আলহান থয়া গেলগা। গরে গিয়া বুড়ি উগরে ডাকদিয়া মাতলগা— খুড়ি! খুড়াই মাতলতা নাম্ফাহানাত হইরুর আঠি আসে ব্যাগ উগ দিতে উনি। বুড়ি উগ বাত রাদাত বহেসে। দুয়াত আয়া আংকরিরি- কিগ থাং? পিত্তিরি উগই মাতের— হাই! খুড়াই মাতলতা ঔরে হইরুর আঠি আসে ব্যাগ উগ দিতে উনি I হাইদে হাইদে মাতিয়া বুড়ি উগ গরে বিতরে হমেয়া ব্যাগ উগ আনিয়া আইলি। ব্যাগ উগ পেয়া পিত্তিরি উগই থাপারতেই হইরুর আঠি উতা পড়িল। উতার হাদিত জিল্লিগ আসিল । জিল্লিগ পিদে বেলেয়া মানু উগ পিত্তিরিগ অইল । পিসেদে পিত্তিরি উগই সৌয়য়া সিরাপ দিয়া মাতল— ইম্ফাম এহানাত দুকগাছ উঠক। উহান মাতিয়া পিত্তিরি উগ পথগদে