কলগত গুরু লাগানির শব্দহান হুনিয়া ইমপানি অয়া আঙর থঙচিলহান আংকরিয়া সাঙগত পলা পলা হমেইলগা। হমেয়া দেহের পিত্তিরি আগ মত্ত অয়া তার জিল্লিগ আকবারাদে থয়া গুরু বলডাগিরে লাগাদেনাত থেঙসে। হারৌ হারৌ অয়া মাতের- কালা বলড়াই দলা বলডাই সু সা। সময় উহানাত বুড়াই থমবেইগল কাদাত চেপইলগা। পিত্তিরি উগরতা হুশ নেই উবেদে। তা হারৌপা আহানাত আসে। বুড়াই জিল্লি উগ থক্করে আসুল দিতেই পিত্তিরি উগ ফাপরে পড়িল। জিগ থানাই কাদাত আহেউ নুয়ারের, হান্তে, তা আর জিল্লিগ আহুল দেনা নুয়ারল। বাধ্য অয়া পিত্তিরি উগ টেইপাঙ মানুর বেশহান ধরল। বুড়াই আংকরের, – তি কুংগ? - - মি পিত্তিরিগ না । - কুরাংতে থার? এরে কাদার আংঠিয়া জারর তলে। এপেইতে কিয়া আহেসত্তা? ইমে আকখুলা থাইতে থাইতে নুঙেই নাপেয়া। গুরু বলডা দ্বিয়গিরে দেখলু হানতে লাগা দেউরিতানা । – তিতে কিয়া হিনপেয়া জিরাসি গুরু লাগাদরতা? আমারেতে আংকরেসিলেতা? না। মিতে হারনেই হানতে, করেবেল্লু । আর নাকরতৌ। মোর জিল্লিগ দেনে। বুড়াইএবাকাতে মাতের, হুন বাবা। মিয়ৌ লেইসিধারী আগ নেয়া খানি হিনপাউরি। মোরে কতদিন আহান খেতিহানাত পাংকরনে। উসাদে মাতে মাতে বুড়াই গরেদে