নংসাঙদিন আগর য়ারিহান। হাকতাক আহানাত প্রতাপগড়র জামিরালা গাঙে পিত্তিরি নিকুললা। নিয়ামপারা পিত্তিরি। লেহাজুহানেই। রইদহান দিলেউ পিত্তিরি নিকুল্লা, বরনহান দিলেউ পিত্তিরি নিকুল্লা। চিকচিক বারোবাজি উহানাতৌ পিত্তিরি নিকুল্লা। রাতিহান অইলেউ পিত্তিরি নিকুল্লা। পিত্তিরি এতাই থতাহানাত্ত জ্বি নিকালতারা। তানু পক-জক খেয়া থাইতারা। থতাহান আ করলে থতাহানর জ্বিগত পক-জক এতা হমেইতারাগা। এসাদে এসাদেতে জামিরালা গাঙ উহানাত বুড়া-বুড়ি হেইমাক আহান আসিলা। তানুর জিনাহানাত শৌসুমারা নেয়সিলা। ঔহানে গিরস্তির হাবি কাম তানু হিনর হাদিয়েদে করিয়া গেলাগা। নুঙেইরমা তানুরতা আসিল কলে আলর গুরু আকজোড়া, সেলকমর গেই আগ, খেতির বি পাচ-ছয় কিয়ার। গরর কাদাহানাত আংঠিয়া গাছ আকজার আসিল। ঔজারে পিত্তিরি আগ জিনা পাতিয়া আসিল। নিক্কা নিক্কা রাতি বুড়াবুড়ি গুমজিলে, তানুর গরর গুরুকলগত হমেয়া আলর ডেহা দ্বিয়গি এরেদিয়া লাগাদিল পিত্তিরি উগই। বুড়াবুড়িয়ে উহান হারনাপাসি। বিয়ানেদে উঠিয়া গুরু বলডা দ্বিয়গিরে দেখল কুরি বুড়া উগই সৌয়র, কুংগই গুরু এগিরে এরেদেসিতা বুলিয়া নিক্কা নিক্কা খালকরের আকদিনতে রাতি বুড়াই