মালেম এহানর জীব হাবিরকাট থানার খানার সিজিল আহান প্রফুয়ে হংকরে দিয়া থদেসে। জীবরমা উচ থাক পালসি মানুর সাদনে পাহিয়া-পলি, পক-জক, জন্তু- জানোয়ার পেয়া নিজর সুযোগ-সুবিধা চেয়া জম বাদতারা, দল বা সমাজ পাততারা। ঔসাদে শয়তান এতাউ মালেমে জিনা-ঘর পাতিয়া আসি। হান্তে, তানুর জাঙ-আত দেহা-মুর টেইপাঙ মালেমর জীব-পকর সাদানে টাংখেই সেঙয়া নেই ৷ নংসাঙদিন আগেদর য়ারিহান। দক্ষিণ প্রতাপগড় বুলতারা লাম উহানর লঙ্গাই রিজার্ভর বালিপিপালা-দেওয়ালি-নুয়াগাঙ লাম খুলানির হাকতাকে কাটাবাড়ি- লেইকির গাছ আকজারর তলে শয়তান হেইমাক আহান জিনা পাতিয়া আসিলা । লামইসিঙর দিনহান আইবতাই বালিপিপালাত বাজার আহান বহের। হুরকা বাজারহান। এসাদে এসাদে আকদিনতে, মুনি শয়তান উগ বাজারে গেসেগাতা। ঔদিন শয়তান জেলা উগই বারো খরচর পদ আগ মাতানি পাহুরেসে। উহান তেই পিসেদে নিংশিং অইলি। ঔহানে শয়তান জেলা উগই বাজার খরচ উহান নিংশিং- পৌ দেনারকা মানু কিতা বিসারানিত থেঙইলি । মাতাম উহানাত চেয়া পশ্চিম পিপালাত্ত সেন্দার আকাক উহানাত বুজন আগ মাতামবালা বাজারে সালসে। শয়তান জেলা উগই উহান দেহিরি। কাদার পথগদে আয়া তেইর কাদাহান পানাই