গাঙ আহানাত আপাঙ আগ থার তার বুড়ি ইমার লগে। তারে জরম দিয়াউ মালক দৌ ইসে বারো তা চারিবছর ইতে দৌ ইসে বাপক। অহানে বুড়ি এগই হিনপিয়া তালাবি করিয়া ডাঙর করল আপাঙরে। দেখতেতে গাউরাপুয়াগ পারা কিন্তু ইলেতে কিতা ইব বুদ্ধিলৌশিং সুপ নেই আপাঙরতা। অহানে বুড়ি এগ জবর হিনপিরি আহান কর বুলতে আরাক নাগই আহান করের। আকদিনতে বুড়ি এগই মাতিরিতা— আপাঙ, আরতে কতি মোর পিতগ কারিয়া খেইতে? যাগানে খানি কামাই দামাইয়ৌ করগানে। তি পারা মানুর শৌয়ে গুরু রাখতারা, ঘাস কাপতারা। তিতে ডিগালি বন আগাসৌ পাথারি নাকরর। - – অহান কিহান মাতুরিহান বুড়ি? মিতে কিতা কাম নাজানুরিগ সুপ! লারৌ কিতা কতগ বাজেদে আজি কামে যাংগা মিয়ৌ । - - - কুরাংকার কাবক চিনিল লারৌ হংকরতু মিতে। মাতলেই কিতা হাগহাত্ত পড়তইতা! থাক অতাইলেতে পেরপেরি নাকরি বুড়ি। মোরতা হবে ঘুমহান লাগে আহের। বুড়ি এগই উপায় নাপেয়া কাদাবারার ঘর অতাত মাগিয়া লারৌ হংকরল। কপাল চাপারা চাপারা মাতিরি- অ কানা ভগবানগ! মোরে নেগা! আপাঙ আগরে মোরাং বেলাদিয়া মালক-বাপকতে ওয়াই সাওয়া গিয়া পড়লাগা। মোরতা যত জ্বালা এগরেল! উঠনে বাবা, এরে লারৌ সাতগ হংকরেদিলু। উঠ কামে