বান্দর এতা জন্তুরমা নিয়াম মাতৌ থিতা। মানুর আদিম রূপহান বান্দর বুলিয়া মেরাক বিজ্ঞানীয়ে মাতিয়া গেসিগা। বান্দর জাত এহান মানুর মাত তামকরানি নিয়াম হেইনিং। উহানেনেই কিতানেই মানুর মাত তামকরানি হেইনিং মানু উতারে বান্দর বুলিয়া মাততারা। বান্দর এতার তুলো জানিয়া চলানি লাগের। নিয়াম প্রশ্রয় দিলে মুরে কাইতারা বুলিয়া কথা আহান আসে । রাজা আগই বান্দর আগ পালেসিল। রাজাগিরি যেবাকা রাজদরবারে বহিল উবাকা বান্দর উগই যেপেইততৌ অক নিক্কা নিক্কা হুনার মুদ্রা আহান আনিয়া রাজাগিরির আতহানাৎ দিল। বান্দর উগরে বিয়ানে খৌয়েয়া পিউয়েয়া এরাদিতারা। দিনহান বুলতে বুলতে হুনার মুদ্রা আহান আনিয়া আলয়া আহিল ৷ রাজদরবারে আয়া রাজার আতহানাৎ হুনার মুদ্রা উহান দিলেই রাজাগিরি ঔ মুদ্ৰা উহান লয়া কাদাৎ পাইজন আগ থর উগল না দুহেইব উসাদে বারি আহান বান্দর উগরে দিল। বারিহান খেয়া বান্দর উগ আকচঙে তার ফামে গিয়া থাইলগা যেপেই তার খানিপিনির বার থদিলা। রাজদরবারে বহিতারা হাবি মন্ত্রী, সভাসদে নিক্কা বান্দর এগর তুলো রাজাগিরিয়ে করের বেবার উহান দেখতারা। বান্দর এগই হিনপেয়া নিক্কা নিক্কা হুনার মুদ্রা আহান বিসারেয়া