কারণহান বাগানি অকরল- হে টেইপাঙ মানুগ হুন, এ বি কুটি এহান না দাতেসে কনাক ডেহাল আল ধরেসিহান। উহান প্রকৃতির নিয়মর বাহিরাহান। তা থকয়া এ বি কুটি এহানাৎ ফলের ফসল উতা খানি পাপহান। এ বি কুটি এহানাৎ পড়েসে মরাগৌ খানি পাপহান। উহানে আমি খানি নুয়ারিয়া আসিতা। বুজন মানু এগ লাঙটিয়া রাজা এগরাংত হিকিল মাটিক কথা আহান হারপেইল। আরাকৌ হারপানি মনেয়া আংকরল- না দাতেসে কনাক ডেহাল আল ধরিয়া টেইপাঙ মানুয়েতে ঔ ফসল উতা খেয়া কিত্তাউ নায়া আসি নাই— উহানতে কিয়াকা? হাবি টেইপাঙ মানুয়ে নাগই। হারপাসিতাই হারপাসি। মানু অইলেই হাবি সমান নাগই নাই। আকতা জ্ঞানী আকতা অজ্ঞানী। জ্ঞানী উতারেই হুদ্দা আমি টেইপাঙ মানু বুলিয়া নিংকরিয়ার, ভক্তি শ্রদ্ধা করিয়ার। অজ্ঞানী উতারে আমি পশুর সমান নিংকরিয়ার। আমার কামহান আগে করেদে, তোরে মি বার আহান দিতৌ, যে বারহানল জ্ঞানী, অজ্ঞানী, হবা, সাকৃতি খেই খেই করে দেহে পারতেই । লাঙটিয়া রাজা উগর কথাহান ঠাচা করিয়া বুজন মানু উগ গিয়া এরেয়া থসি মরা উগ আসুলিয়া থাংনাকার বি কুটি উহানাৎ বেলাদিয়া আহানিয়ে লাঙটিয়া রাজা উগই গারিগ জাকারেয়া ফরি আহান নিকালেয়া টেইপাঙ মানু উগরে