থতাৎ হুনেসি। টেইপাঙ মানু আগ লাঙটিয়ার ফরি আহান পাসিল বুলিয়া য়ারি আহান প্রচলিত আসে ৷ লাঙটিয়ার ফরি উহান আহিথমর মুঙে থয়া চেইলে উহানর হাদিয়েদে যেতা দেখতাই উতা হুত্তুমেতা৷ হবা মানু উতারে হুদা উহানল দেহে পারতাই, সাতিতা অইলে নাদেখতাই এসাদে য়ারিয়ৌ প্রচলিত আসে । বুজন মানু আগ টেঙারাৎ দারৌ আনানিত যিতেগা লপুক সাময়া যানি‍ পড়েসিল। লাম্পালর সমেয়হান। লপুক উদালা। দওয়া লময়া গুরু মইষ লপুকে দে টৌ এরাদেসিলা। বুজন মানু উগ যানির সময় দেখল লপুকে বি কুটি আহানাৎ মরা গুরু আগ বেলাসি। কাদাৎ লাঙটিয়া মাহি পুলয়া আসি। কিন্তুমান খানি না অকরেসি। বুজন মানু উগই মিল্লেং দিয়া দেখল গুরু উগ চামহান না এরাসি । চামহান না এরাসি উহানে পাউরি লাঙটিয়া এতাই খানি নুয়ারিয়া আসিতা বুলিয়া নিংকরিয়া বুজন মানু উগ বেলেয়া টেঙারাৎ গেলগা। টেঙারাত্ত দারৌল আলয়া আইতে দুরেইও দেখল লাঙটিয়া উতা উবাকা পেয়াউ মরাগ নাহেয়া বাসেয়া আসি। তার মনহানাৎ খটকা আহান লাগিল ‘এতাই এবাকা পেয়াউ কিয়াকা নাহেয়া থাইলা' । কুপকরে চেইতে দেখল চামার আয়া চামহানৌ এরেয়া নিয়া হদাসি। ‘হানতে কিয়াকাতে খানি নুয়ারিয়া আসি' এহান হারপা নুয়ারিয়া