রাতি ডিলয়া বুলানিৎ গুণাধর অজার পানতামনা নেয়সিলা। রাতিহান অইলে মানু ডরপেয়া গরে ভিতরে হমেয়া থাইতারা। কাম নেয়ইলে রাতি গরেত্ত নিকুলানি নামনেইলা। গুণাধর অজারতাতে রাতিহান অইলেই কাম। তারাং রাতি-দিন হাব্বি সমান। ঠাংচাই থাচিয়ে তিলয়া, মেঘালা করিয়া পিনপিনি বরন দিল রাতি উতাতৌ অজাগিরক কামহানশা নাকরিয়া খুয়ার পানি টপ টপ পড়িল ঔ রাতি নুঙেই নংতলে বুলাত্ত আহিল। গুণাধর অজা দৌ-দুকর কাম — চাপাল দেনি, গারি বাধানি, ভিটা বাধানি, খইতু বাধানি, থামা লাগানি, থামা ছুটানি, ঠিক চানি, আজিরাত করানি, দশার কাম করানি, উসিল সিলকরানি এতা কিতা নিয়াম হবা করে করল। যেগদে গেলেগাউ গারিগ বাধিয়া গেলগা থাংতে ডরপানির কারণ নেয়সিল। রাতি ডিলয়া আইতে দৌ-দুকে সিনা পেইলা থাঙৌ তারে কিত্তাউ করে নুয়ারেসিলা। মজারখানার কালাদৌগ, টুকর মুরতুপা দৌগ, কলার জিনগ, মুণ্ডমালার লামচিক বুললে মানু দিনেউ ডরপেইলা। রাতি ঔ ফাম উতা লালইতে আকখুলা আকখুলিতে থাক দুগ তিনগই যিতেগাউ হিরিগাম শৌয়ইলা। এ সিনা ফাম এতাতৌ গুণাধর অজা রাতি আকখুলাগই আটতে ডর নাপাসিল। কনাক্‌ত মেইপা তামকরিয়া পাকানা অসিলতা থকয়া তারাং