বংশরমা কালি লাগেইল বুলিয়া কুকি রাজা এগই সৌয়নিহানে জিলকরে গরেত্ত নিকালা দিল। তানুর হেইমাক এহানে ঔ জঙ্গল উগ বেলেয়া মুঙেদে যিতেগা যিতেগা লকতাকগর পারে থল আহান পেয়া উপেইত গরশৌ আগ হংকরিয়া থাইলা। কতদিন পিসেদে তেই দৌর সাদে লিকলিক করের মুনিশৌ আগ পেইল। উগরে পেয়া পাহাংপা গিরকর হারৌর সীমা নেয়ইল। শৌ উগরে নিয়াম যত্ন নেরগা। খানি ডাঙর অইল উবাকা উগরে আতিয়ার বারো শাস্ত্র হাবি নমুনার বিদ্যাশিক্ষা দেনা অকরল যাতে ভবিষ্যতে এগ বুদ্ধি-লৌশিঙে, পাংকাল থেতয়া নাঙপাল্লা রাজা আগ পালো পারব উসাদে। আঠারো পুরাণ বারো নীতিশিক্ষা লমকরিয়া তারে যুদ্ধবিদ্যারমা পারদর্শী করিয়া তুল্ল। তার অস্ত্রশিক্ষারমা ধনুক চালানি, গদাযুদ্ধ বারো থাংজাং চালানি এহান বিশেষ গুরুত্ব পেইল। খানি ডাঙর অইল উবাকা বাপক পাহাংপাই পেয়া নুয়ারানি অকরল। আকদিন পুতকে থাংজাং এহানল খেলার উবাকা বাপকে তারে পরীক্ষা করিং বুলিয়া মুঙহানাত হরপ অলয়া ফুহান তুলিয়া থাইলতা। পুতকে বারো তারে হুত্তুমেউ হরপগ পাউরি বুলিয়া থাংজাংহান আঙেইল বুলতে আকসেদে তারে হাতহান টুমা করিয়া বেল । মালকে কিতার শব্দহান থাং বুলিয়া আইতে দেহিরি