রাজগিরি কালারাজারতা দুগ পুতক আসিলা। তার জেঠা পুতক পাহাংপা খানি আপাং অসিল। তার আপাংপা স্বভাব এহান দেহিয়া পাবুঙ কালারাজাই খালকরল এগই রাজ্যহান চালানি নুয়ারতই। উহান খালকরিয়া খুলা পুতক উগরে তার নালাগ হংকরিয়া সিংহাসনে বহাদিল বারো নিজে ধর্মকর্ম করিয়া বাকি জীবন এহান কাটেয়া যানারকা মহারানীরেল তীর্থত গেলগা ঔগ আর নাহিল। পাহাংপা গিরকে বাপকর সিদ্ধান্ত এহান য়াকরে নুয়ারিয়া মনে মনে কন্নুঙগ বেলেয়া নিকুলিয়া গেলগা। লু জঙ্গল আগত হমেয়া ভগবান বিষ্ণুর আরাধনা করিয়া থাইলগা। খানাপিনা নেই, হিনানি পুরপারানি নেই, রাতি দিন হামেসা নিংকরের- ওঁ নমঃ বাসুদেবায় নমঃ। ঔ জঙ্গল উগতে কুকি রাজা আগর রাজ্যহান। কুকি রাজার জিলক উগ সাদে- বাদে, আটিরি খংচেতে সেইক্‌খাত লক্ষ্মী গিথানকগ। তেই সাদহানে বারো আহির মিত্তাহানে পাহাংপা গিরক মোহিত অ’পড়িলগা। পইলাকার দেহানিহানাত তা প্রেমে পড়িল। উসাদে তেয়ৌ। তানু দ্বিয়গই কারেউ না বাগেয়া গন্ধবমতে লোহঙ করলা। তেল্লাম তেই গর্ভবতীগ অ'পড়লিগা। উবাকা কুকি রাজা এগই য়ারিহান হারপেইল। কুরাংকার গর-দুয়ার ঠিক নেই, বাপক-মালকর চিন নেই গাউরাপা আগর লগে জিলকে