গাঙ আহানর পট আগদে কমলিনী নাঙর সাতহবা বেয়াপা আগ তেইর কনাক শৌগ সানুরেল আসিলিতা। কপাল থিয়য়া বিয়ার দ্বিবসর পিসেদে পুতকশৌ এগ জরম অনার কত মাহা পিসে তেই য়ারি অ’পড়লিগা। গাঙ উহানাত লাংকাপ নাঙর চরিত সাকতি ভূত আগ কমলিনীর লিকলিকা সাত উহান দেহিয়া তেইর গজে আহি বেল্ল। ভূত এগতে যেহানৌ মনেইল মতো অংতাহান দরে পড়ের। তা মনেইল উসাদে তার আতহান ডিগল করতে করতে হাগহান সকো পারের, ঠেঙ উহানিয়ৌ ডিগল বরুয়া বাহা আগর সাদে উচকরে পারের, আহিগি কুলাহানর সাদে ডাঙর বারো গোলডুরা করের। কানহানি সালসে উহান কলাপাতাহানর সাদে ডিগালা বারো চেপ্টা। তারে লাংকাপ নাঙর ভূতগ বুলিয়া গাঙর মানুয়ে চিনতারা। আকদিন রাতি লাংকাপ এগ হবা টেইপাঙ মানু আগর সাকতাহান দরিয়া বেয়াপা এগর মাংকলহানাত আয়া নিকুলিলগা। তা ডাকদিল — অ সানুর মালক। মোরে ডাঙর কুলা আহানাত ভাত আকচালুক দে বারো তেংকুত (ধান মৌয়েইতারা ডাঙর কাঠিগ) আগত হৌ খেরি আহান দে। তার নারগ হুনিয়া কমলিনীয়ে চিনল এগতে হেবানিয়া উগ বুলিয়া। সিনা গর এগত আকখুলি অবলা এগই কনাকশৌ আগল আসেগ, তেই বিতরেদে ডর আহান পেইল। তেবৌ, ডরেইলেতে নাইতইহান দেহিয়া পালপাকেদে