বরিষার পরহান। জিরন নেই বরন পড়ের। হাদি হাদিত দৌ জ্বিলকার বরনহানাত তিঙিয়া বনহানার বাঘ আগ জারহানে নিক্করে নিক্করে বনহানা নিকুলিল গাঙেদে গারিগ তপ্তা করানির ফাম বিসারেয়া। উপেই দেহের ঘর আগ । হাবি ডর বেলেয়া ঘর উগর মাংকলহানার কুনা আগত হমেয়া কুনোরকমে বরনহানাত্ত জিংতা অইল । ঘর উগরমা বুড়ি আগ আসিলি। ঘরগর চালহান উরের। বরন দিলে মাংকলহান পানিল বুজের। ঘরগর বিতরেদেউ পানি পড়ের। ফাম ফুতি উতা তিঙের। উতা থেইকরানিত তেই মেইখ্যু অসে। ঝাপি ট্রাংক থেইকরতে ঠরং ঠারং শব্দ করের। বুড়ি উগই হাদিত মোর কপালহানতে বুলিয়া চিকারি দিরি। ভগবান মোর কপালহান! আর নুয়ারতৌ, মোরতা এফির মরানি লাগতই। এ বৌর লংলেইরমা জিংতা অনির পথ নেই। লেমগত কেরেস বুজানিরকা টাকগ বিসারেইরি— টাকগ টাকগ বুলে বুলে। হাদিত টাকগ কুরাং, কুরাং গেলেগা বুলিয়া চিকারি দেইরি। বাঘ উগ মাংকলহানাত বয়া বুড়ির কথা উতা হুনের। তা নিংকরের, বৌর লংলেই বারো টাক এগ কতি ডাঙর জন্তুগ কিগুই জানে! মোর জনমে টেঙারাগরমা এসাদে জন্তুর নাঙতে নাহুনেসু। এতা থলর জন্তু পাউরি। বুড়ি এগরে এফির মারতই। তার রৌহানর নমুনাহানৌ তঙাল অসে। তা বুড়ির বারপজা