হেইমাক আহানে মুনিশৌ আগ জরম দিলাতা। উগ ডাঙর অইল উপেইত বারো আরাক মুনিশৌ আগ জরম অইল। এসাদে করিয়া হেইমাক উহানরতা থাংনাই থাংনাই দুগ মুনিশৌ অইলাতা। জেঠা পুতক উগতে ডাঙর অইল হানতে বিয়া দিলা। বিয়ার পিছে মালক বাপকৌ মরে পড়লাগা। খুল্লা এগ বিয়া নাদেছি। বইজক বেয়কর লগে থাইল। এ খুল্লা বেয়ক এগই কুকুরশৌ আগ আনিয়া য়ক্করের। নিক্কা তারে ভাত দিতারা উতাত্ত কুকুর এগরৌ দাদের। অইতে অইতে বইজক এগই শৌ এগর বেয়করাং ডুয়া দেনা অকরল— তারেউ ভাত দেনা বারো কুকুরগরেউ ভাত দেনা বুলিয়া। বইজক এগর এসাদে পিড়ানি এহানে আকয়া দিন আহান বেয়ক এগই খুল্লা বেয়ক এগরে মাতের— আই! আইত্তে তোরে মাতেইতৌ দিনহান— তোরেউ ভাত দেনা বারো কুকুরগরেউ ভাত দেনা! এতা বুলিয়া পর-পর আসুলে আসুলে নেরগা। কুকুর এগতে ইমে বারা বারাদে অয়া গেলগা। জেঠা বেয়ক উগই গাত আগ খুলিয়া উগত খুল্লা বেয়ক এগরে বরাদিয়া মাটিল জাতাদিয়া আহেছে। বেয়ক এগ আহানিতে ফাতনেই কুকুর এগই জাঙ এহানিল খতকরতে খতকরতে তারে নিকালাছে। ভাততে কুরাংততে খেইতা। দিন এহান দ্বিয়গিয়ৌ ভাত নাহাছিতা নাই। কুকুর এগই মাতের- তিয়ৌ ভাত নাপেইলে মিয়ৌ ভাত নাপেইলু, হানতে আরাক