য়াকরল। খুল্লি বনক এগরে বেলানি নুয়ারিয়া দাপদে দাপদে, কাদাহানাত আইলি। কাদে কাদে হক চেলয়া মাতিরি — মা তি থাক, মিতে যাউরিগা নাই। খুল্লি বনক এগয়ৌ কাদানি অকরল। না ইচে নাযিগা দ্বিয়গিয়ে আকতা অয়া যিতাঙাইগা বুলিয়া মাতিরি। জেঠি বনক এগই তেমজেয়া মাতিরি — না থাক তি নাহি, তোরতাতে ইমা আছেগতে তি নাহি। বনক এগই মরিংতে মরিং নাকরিরি। না মোরেউ পাখ দুহান হংকরেদে, কালি দ্বিয়গিয়ে ফরদিয়া যিতাঙাইগা — মিয়ৌ তোর লগে আইতৌ বুলিয়া মাতে মাতে কাদিরি। জেঠি বনক এগই আর বেলেয়া যানা নুয়ারল। বারো গাঙেদে গিয়া হিস বিসারেয়া খুল্লি বনক এগরকাউ পাখ দুহান হংকরে দিল। রাতিহান ফুয়েইলে দ্বিয়গিয়ে ফুরকরে ফরদিয়া গিয়া ডাঙর উচ গাছ আকজারির আগাগর ডেঙ আগত বয়া থাইলাগা। মালক উগ ভাতল আইলি হই হই করিয়া। নিক্কাকার ডেকি আজিয়ৌ থা থাইবা বুলিয়া তেইতে আইরিগ। চেইরিগা হানতে শৌ দ্বিয়গি নেয়োছি। তেইরতা সন্দয় আহান হমেইল। ভাত থয়া দাবদে ঘরে গিয়া হেয়করে বাগাদিলগা শৌ দ্বিয়গিয়ৌ নেয়োছি বুলিয়া। হা! কুরাং যিতাইগাতা বুলিয়া বাপক এগই তানুরে বিসারানিত আহিল। এগদে হেগদে ডাহে ডাহে চার, তানুরে নাপার তানুরে নাদেহিয়া বানা পার