দিরিগা। ভাত দাদিতে শৌর মালক এগই দ্বিধারা করিরি। জরম জিলক ঔগরে হবাতা দাদিরি বারো আনৌগ জিলক উগরে শেপ, কাস, হিঙানি খেরি উগত বরাদিয়া দাদিরি। তেই নিজে পানা অয়া জরম জিলক উগরে 'দ এতা তি খা' বুলিয়া বারো আনৌগ জিলক উগরেউ 'দ এতা তি খা' বুলিয়া খেইকরে খেইকরে দাদিয়া বেলেয়া যেইরিগা। মালক এগ বেলেয়া যিবগাতাই জরম জিলক এগর ভাত চারুক উহান দ্বিয় বেইবুনিয়ে বাটিয়া খেইতারা। নিক্কা এসাদে বাটে বাটে খেইতারা। জেঠি ঔগই তেইর ভাত হৌ গাত দুগ হংকরিয়া আগত ভাত ডালিরি বারো আরাক গাত আগত হৌ ডালিরি। এসাদে ভাত হৌ ডালতে ডালতে হাত আট দিন অইল। জেঠি বনক এগ আর জারে নুয়ারল। দিন আহান দুঃখহনে আকয়া মোর বনক এগর ভাত হৌ এসাদে নিক্কা নিক্কা বাটে বাটেতে কিসাদে খেইতৌতা বুলিয়া গাঙে গেলিগা খুল্লি বনক এগরে থদিয়া। তেইতে গাঙে গিয়া হিস বিসারেইরিগা। গাঙ - ঘরর বৌয়েই-জিপুত-ইমাইন্দলরাং খুড়ি, ইচে বুলে বুলে হিস মাগিরি। মালকগ নেই শৌগ বুলিয়া তানুয়ৌ বানাপেয়া হিস দিতারা। এসাদে হিস বিসারা বিসারা তেইতে উতাল পাখ দুহান হংকরল। পাখ উহানি তেইর গারিগরমা লাগেইল। চেইংতা বুলিয়া ফরদিয়া চেইরি হানতে ফরদানি