হেইমাক আহান হারৌ হারৌ অয়া আছিলাতা। লেইরাতে লেইরা অছিলা তেবো তানুর লেইরা এহান মানুয়ে লেইরা বুলিয়া মাতানি নুয়ারলা। কিয়া বুল্লে যেবাকাউ হারৌ হারৌ অয়া থাইলা হানতে কোন কৌলি কিতা নেই এমাটিক চান্না অয়া আছিলাতা। অইতে অইতে হেইমাক এহানে জেলাশৌ আগ জরম দিলা। তানু শৌ আগ পেইলাং বুলিয়া আরাকৌ হারৌ অইলা। মইলক এগ আকরুম নুয়ারা অইলিতা। হেয়ক এগই বালা অইবনেই বুলিয়া তেইরে দিনে রাতিয়ে যতন করানি অকরল। মেইপা আগই নুয়ারলে আরাক মেইপা আগ আনেরগা। মইলক এগ ভাত-পানি খানা বেল্ল। দিন আহান জরম দেছে শৌ এগরে বারো হেয়করে বেলেয়া মইলক এগ মরে পড়লিগা। হুরকাং অছে শৌ এগরেল হেয়ক এগই নিয়াম হিনপেয়া থাইল। জারে নুয়ারিয়া আরাক জেলা আগ বিয়া করিয়া আনলগা। ঔ নুয়া মইলক এগরাং আরাক জেলাশৌ আগ জরম অইলি। জেলাশৌ দ্বিয়গিয়ৌ আকতা অয়া ডাঙর অইলা। শৌ এতার বাপক এগতে খেতিয়ালাগ। খেতির পরহান অইল হানতে লপুকে আলি আহান বেলাছেতা। আলি এহান রাহানিরকা বুলিয়া শৌ দ্বিয়গিরে দিয়াপেঠাদিল বারো নুঙেই করে রাখবাতা বুলিয়া বাপক এগই টঙ আহানৌ বাধেদিল। টঙ এহানাত কায়া তানু আলি রাখতারাগা। ভাততে নিক্কা ঘরেও নিয়া নিয়া মইলক এগই