গগা রাজা আগ লপুকে আলি আগত বয়া ডিগল চুহি আগল হজক আককারি পিয়েরতা। গগা রাজা এগ বাকি হাবি গগারাত পুরি ডাঙর বারো নিয়াম বলি অছেগ। এগরে দেহিয়া বাঘ আগই 'গগা রাজা এগরে খেইতৌগ' বুলিয়া তার উগদে রুসহান করিয়া আহের। বাঘ এগই তারে খানারকা আহের এহান হারপেয়া গগা রাজা এগই ঘাম ঘাম সৌয়য়া আরাকৌ জবর করে আরিগ কুর কুর রহা রহা হজকারি পিয়েনা অকরল। কাদাহান ফৌয়ইলগা উপেইত নারগ ডাঙর করিয়া নাদেহিল সটানহান দিয়া গগা রাজা এগই মাতের— কুংগ? হাউকি উহান হুনিয়া বাঘ এগই মি-না — বুলিয়া মাতের। খাহে বেলতই বুলিয়া গগা রাজা এগই কুটুমহান কাদা করিয়া বাঘ এগরে 'ভাগিনা না কিতা' বুলিয়া মাতের। বাঘ এগই এ সুযোগ এহানাত আরাকৌ কাদা অইং বুলিয়া 'হাই মি-না মামা' বুলিয়া মাতের। গগা রাজা এগই আলিগ দেহুয়েয়া বহ্ বুলিয়া কাদাহানাত বহুয়েইল। য়ারি দিয়া দিয়া গগা রাজা এগই বাঘ এগরে বেরকরানি মনেইল। অইতে অইতে বাঘ এগয়ো জারে নুয়ারিয়া তারে খানারকা আহেছে এহান ফংকরে বেল্ল। গগা রাজাই দাপ সিংনা আহান জুগত করিয়া মাতের - তি দাপে জিংলে মোরে খেইস। বাঘ এগই হাই বুলিয়া দাপ সিংনা এহান য়াকরল। দ্বিয়গিয়ে দাপদানি অকরলা। গগা রাজা