হৌরিয়লর ঘরে। হৌরিয়লর ঘরে ভাত খেয়া হদেয়া আকদিন আংকরেরতা হৌরিয়করে - ইমা কিতাল মি ভাত খেইলুগ? - কিয়া? - গলে গেলেগা হুদ্দা আংকলতারা কিতা খেয়া আহিলেগ বুলে বুলে। - অ, মাতিছগা, হেইকিরি মাছ দিয়া হৌ, ঠাকেইচলা সেন্দিয়ল দিয়া ইরলপা, লগে মেতপা খানি। ঘরে আহিতে মাতে মাতে আহেরতা- লেইকিলি, সাকেই ঠকেই, টেনদিল পেপ্পা আইত্তে আংকরলেই মাততৌগ। পথগত মদলেই এগই সি করিয়া আংকরিরিতা - পেটু আইত্তে হারৌ হারৌ অয়া আহর পারা, কিতাল খৌয়েইলাথাঙে। - মাত্তু? এরে লেইকিলি সাকেই ঠকেই, টেনদিল পেপ্পা। হুনিয়া হাবিয়ে জিয়া জিয়া আহিতারা। বাগেখৌরা উতাতে কিজাত হৌয়ে। গরেত্ত মইলকে হুনিয়া হউপকো ফুলিয়া আছে। পেটুয়ে ঘরে আয়া ডাহেরথাং সুপ না খুমকরিরি। মাতের - আরতা তোর বেয়াপার গলে নাযিতৌগা। মইলকে মাতিরি - উতাতে কিজাত হৌ মাতরতা? মি লাজ নাপাউরি থাং? আরতা জিংতা নাইমনা কিতা? - হুঃ, লিয়ারৌ নাকলি বেনাই বারো গেলেগা ইমারে হবাকো আংকরিয়া আহিতৌ। পিছেদে আরাক আকদিন হৌরিয়লর ঘরে গিয়া খেয়া আহিতে বারো হৌরিয়করে আংকরের- ইমা কিতাল খেইলুতা মি? - অ-বাই, কচুর পাতার ক্ষার বারো হুরকাঙ মাছ পুলেইমালপি