কুনো দেশ আহানাত খানি পাঙ বারো সিং জুবারা মুনিশৌ আগ আছিলতা। উগর নাঙতে পেটু। তার কথা উতা হুনানি মনেয়া লেংকা মারুপে লাংকরিয়া তারেল আহা রহা করতারা। পেটু ডাঙর অইল। লুহোঙর লায়েক অইল। মালক বাপকে তারে লুহোঙ আহান করে দিলা। লুহোঙর পিছেদে লেংকা মারুপে তার আকাটা বিকাটা য়ারি উতা হুনিয়া সময় কাটানিরকা তার ঘরে পুলইতারাগা। আকদিনে মইলকে কিতাই হৌরিয়লর ঘরেত্ত গিয়া আহিলাগাতা। এ পৌ এহান পেয়া লেংকা এতা বাসা নুয়ারিয়া তারে তালকরিয়া গেলাগাতা। তাউ কিরৌ হারৌহান। বয়া আরদিনকার ঠুনা য়ারি অকরল। লেংকা আগই মাতেরতা- গিরক কিতালতে হৌরিয়লর ঘরে খেয়া আহিলে? - খেইলাংনাই, কততা। - নামাততেই? আমিয়ৌ লুহোঙ করলে তোরে না মাততাঙাই। হাই হাই মাতুরি বুলিয়া পেটুয়ে অকরল - ধাদি, মাতর হৌ, তিঞ্চু বারো ডলগ করিয়া আন্দল লাদেছি উতা টলিংগ মাহি অয়াউ হুয়াততে অছে বারো ক্ষীর, থাগন খই লাদেছিলা। উতাল আহারহি করলা মারুপ উতাই। আরাক আকদিন হৌরিয়লর ঘরে গিয়া আহিলগা। হানতে মইলকে আংকরিরি - কিতাতে খেয়া আহিলে? পেটুয়ে মাতের - খলর হিদলপা, ডাইলবরা, ছেলপং বারো আরাক আকতাতে পাহুরলু। উসাদে ইমে প্রায়ই যারগা