মাৎল- "হাতকুলো হাবি মাঙইতৌ।" বাপকে মাৎল— ইচুদিন পিছেদে নিঙলগ মালক বাপকর ঘরে আইতে কিৎতাউ নাহেয়া নাপিয়া যানা কিসাদে! "নিঙলে আহাল আহিলি। হুয়র পহু নিকালেই৷৷" মাদইয়ে মাৎল- "নাহেইতৌ বাবা নাহেইতৌ। হাতকুলো হাবি মাঙইতৌ৷৷" ঔবাকা বাপকে মাৎল- সরারেল গিরকে নাউ দেখতই। খা, মি তাম্বু হাতগ টাঙেদিতৌ। "নাদেখতই মাদই নাদেখতই। তাম্বুল হাতহান টাঙতৌ নাই৷৷" (পাঠান্তরে মহরি হাতহান) মাদইয়ে মাৎল— সরারেল ঔগতে দৌর রাজাগ। তি তাম্বুল (তাম্বু) হাতগ টাঙলেউ- "দেখতই হে বাবা দেখতই হে। দলবিলো হাতহান চেইতই হে।" তেইর আপত্তি এহানরে গারিৎ না লাগেয়া বাপকে হাতহান মহরি বা তাম্বুল তলে তেইরে মদ বারো হুয়রর মাংস খানারকা দিল। ঔবাকা সরারেল গিরকে ঔতাৎ সেপ বেলাদিয়া কেইরাকহান কাকরল। মাদইয়ে কাদানি অকরল- "দেখলহে বাবা দেখলহে। হাতকুলো হাবি মাঙইলহে।" হৌগদে মাদইর শৌ ঔগর কাদানিহান জারে নুয়ারিয়া সরারেল গিরকে ঔগরে স্বর্গৎত মালকরাং এরাদিল। ঔগ হিলগ অয়া মাটিহানাৎ পড়িল। ঔ হিল ঔগরে অলকগ লকেয়ে আপোকপাগ করে পূজা করতারাতা। এবাকাউ মাদইর লগে গেছিলগা অলকগ লকেইর কুকুর ঔগই বেলিহান জোনাকহান