ইমারে আকরুম চেয়া আইংগা।' সরারেল গিরকে মাৎল- "নাযেইগা মাদই নাযেইগা। হুয়র পহু নিকালতাই৷৷" 'তোর মালক বাপকে মদ মাংস দিলে তি খানাৎ বাধ্য অইতেই। ঔতা খেইলেতে তি আর এপেই আহে নুয়ারতেই।' মাদইয়ে মাতিরি- "নাহেইতৌ রাজা নাপিতৌ।" বাবারো সাৎহান দেহিংগা।" তেইর কাদানিয়ে আকয়া খাংকরে নুয়ারিয়া সরারেল গিরকে মাৎল '- হাইদে, এরে মি হুনার কেইরাকহান লামাদৌরি, তি মালক বাপকরে চেয়া আইগা। না বহিছগা। কিত্তাউ নাহেইছ নাপিছ। মি রাহিয়া চেয়া থাইতৌ। তিরে কিত্তাউ খেইলে পিলেতে মি কেইরাকহান কাকরে দিতৌ। তি আর স্বর্গৎ আলথক অয়া আহে নুয়ারতেই । তোর শৌগৌ মোরাং থাইতই, যাগা।' তেই হুনার কেইরাকহানাদে লামিয়া আইরি ঔবাকা দুরেইত্ত দেহিয়া বাপকে চিনিয়া মাতল- "নিঙলে আহাল আহিরি। ডিগালি পিড়া নিকালেই ৷৷" নিঙলে আহাল অর্থাৎ জেঠি নিঙলগ আইরি। এহানাৎ হারপেয়ারতা মাদইরতা খুলাখুলিয়ৌ আছিলা । মাদইয়ে মাতল— "নাবইতৌ বাবা নাবইতৌ। রাজারো হুকুম নেইতানাই৷৷" বাপকর উপরোধ বেলা নুয়ারিয়া মাদই পিড়াহানাৎ বইলি । বাপকে মাৎল- "নিঙলে আহাল আহিলি। মদরো ডনা নিকালেই৷৷" "নাপিতৌ বাবা নাপিতৌ।" মাদইয়ে