মাদই এগ অলকগ লকেইর নিঙলগ। তেই কনাক অছিলি ঔবাকা মালক বাপকে তেইরে উঠানে ডাম আহানাৎ রইদহানাৎ গুমজাদেছিতা। তেইরে দেহিয়া সরারেল গিরক মুগ্ধ অয়া বৌরাজারে আদেশ দিল স্বর্গৎ আনানিরকা। বৌরাজা গিরকে ডাঙর বৌবরন আহান আনিয়া তেইরে স্বর্গৎ নিয়া গেলগা। লগে তানুর কুকুর ঔগৌ স্বর্গৎ গিয়াপড়িলগা । মাদই মাতাম ফাইলি আরো তেইরে সেংকরিয়া দৌরাজা গিরকে তেইরে তার রানীগ হংকরল। মাদইর উরহানাৎ মুনিশৌ আগ জরম অইল। আকদিন মাদান পরে সরারেল গিরকে মাদই বারো শৌ ঔগরে লগে করিয়া রথহানল আট্টিঙ্গাহানাৎ বুলাৎ নিকুলেছেতা। ঔবাকা সরারেল গিরকে মাৎল '— ঔরে চা মাদই, তোর ইমা বাবা।' মালক বাপকরে দেহানির খৌরাঙহানে মাদই কাদানি অকরল। কাদিয়া সরারেল গিরকরে মাতিরিতা- "যেইংগাহে রাজা যেইংগাহে বাবারো সাৎহান দেহিংগা ৷৷" 'সরারেল গিরকে মাৎল-' "নাযেইগা মাদই নাযেইগা । মদরো ডনা নিকালতাই ৷৷" 'মাদই তি গেলেগা তোরে মদ পিনারকা দিতাই। ঔতা পিলে তি জাত মাঙইতেই । আর স্বর্গৎ আহে নুয়ারতেই।' মাদইয়ে মাৎলতা- "যেইংগাহে রাজা যেইংগাহে। বাবারো সাৎহান দেহিংগা ।" 'মি কিৎতাউ নাহেইতৌ নাপিতৌ । নাউ বইতৌ। ইমে বাবা