এ ফাম এহানই হাব্বিত্ত চিক ফামহান বুলিয়া চিল এগ পারনগত হমেইলগা। হমানিয়ে পারনগত আটকে পড়িলগা। আর নিকুলে নারের। উপায় নেয়ইলতাকো বুলিয়া প্রভুরে নিংকরানি অকরল। কতহান থায়া চাউবা এগ ঘরে থায়া পারনগ পাতেছেগা এহান নিঙশিঙ অইল। তা পারনগ তুলাত সালইল। চাউবা গাছজারে কায়া পারনগত হমাছে চিল উগ গিয়া ধরলগা। ধরিয়া মাতের- মুর এগ ইমারকা, বুকগর তুপ এহান মোরকা বারো লেজগর বারা উহান মোর মইলকরকা। এগ ঘরে নিলেগা আজি হাবিয়ে মোরে কতি থাকাত দিতাইতা। আরতাতে মোরে আপাঙগ বুলে নারতাই। এহান মাতে মাতে চিল উগরে হবাকো চার উপেইত চিল উগই মাতের— মোরে এরাদে গিরক, এরাদিলে তোরে বর আহান দিতৌ। আপাঙ চাউবাই মাতের- না না তি মোরে আপাঙগ পাছতহান? না এরা দিতৌ। এরাদিলে বর টর নাউ দিয়া যিতেইগা। না না গিরক সেইত্য করলু, তিন সেইত্য। এরাদিলে বরহান দিয়াই যিতৌগা। মাত উতাইলে তিন সেইত্য। চিল উগই মাতল— এরে তিন সেইত্য। বিদ্যা যে বরহান মাগতেই মি দিতৌ। আপাঙ চাউবাই উহানাত মাতল- উতাইলে বরহান দে মোর লারি এগ যেবাকাউ 'হেইট হেইট' করক। বরহান পেয়া চাউবাই চিলগ এরাদিল। চাউবাই লারিগ ‘হেইট হেইট' করানিহান খামকরল। চাউবাই