দেশ আহানাত বুজন আগ আছিলতা। উগই মৌয়র খেতি আহান করেছিল। হব্বাকো বের দিয়া মৌয়র খেতি উহান তালাবি করিয়া থছে। আকদিন বিয়ান্ত উঠিয়া মৌহান চেইংগা বুলিয়া মৌহানার ভিতরে হমেইলগা। খাঙতাকো দেহেরতা কিতাই মৌহান চাবিয়া খেয়া লমকরেছি। এমন হবাকো বেরহান দেছে উহানাত হিয়ালতে থাক নেউলগ পেয়াউ হমানির উপায় নেই। মনর দুঃখই বুজন এগ বের উহানর চাইরোবারা আটিয়া চেয়া বেরহানর তলেদে লিতফৌ গাত আগ দেখল। সেন্দাহান অইতে না অইতে হবাকো দাহান ধারেয়া গাত উগর কাদাত গদুয়া শপা আগত লুকেয়া থাইল। নিক্কাকার দেকি হিয়াল উগ আয়া মৌহানাত হমেইলগা। খেয়া পেট বুজিয়া নুকুলতে মৌহানর মাপু এগই আকসেতে দ্বিতুপ করিঙ বুলিয়া সেদেইতে লেজগত পড়িয়া লেজগ গুরিগত্ত তুপইল। হিয়াল উগ চিকারি দিতে দিতে বনহানাত হমেইলগা। লেজগর জ্বালাপুড়াই ফালদে ফালদে দাপদের উহান দেহিয়া বন উহানর হিয়াল উতাই পুলয়া আংকরতারা— কিয়াকা অমাটিক ফালদরতা, কিতা অছেথাং? গুজুরিয়া লাভ নেই নুঙেই অয়া ফালদৌরিতা। লেজ আগ থা’পড়িয়া কতি হিনহান, উঃ কতিয়ৌ গারি এগ পাতল অইলতা। বাদবাকি হিয়াল উতাই মাততারা- আমারেউ বাগাদে বেনাই তি আকখুলাগই নুঙেই অয়া আমি হিনপানি