লাগে পড়িলগা। পানি উহানাত আছিলা ইচা, বইচা, কেরবঙর শৌ উতা মরলা আরো জাতে হিয়ালগ নাই উতা খেইতে খানি ডিলো পড়লুগাতা, য়ারৌ নাকরিয়ো। পুলছিলা মানু উতাই পানিতে কিসাদে জ্বি লাগতইতা? মাগানা য়ারি হুনাত আমি নাহেছি, যানাই বালা বুলিয়া মাতানি অকরলা। হিয়াল পণ্ডিত বুজন উগই হাবিরে তেমজেয়া মাতেরতা - মোর য়ারি আকচুটি হুনিয়া যেইগা। হাইদে উতা অইলে মাত বুল্লা আরো মাতেরহান এহান, তোমার গাঙর মণির ডেহাগই যদি শৌ জরম দে পারের উতা অইলে পানিহানাত জ্বিগ লাগানি উহানতে কিয়া অসম্ভব অইতইতা? উতা বুলতেই হাবিহানে চুমছে বুলিয়া মাতলা, আপা বপার আমলেও নাঙ নাছি ডেহাই শৌ জরম দিতে। বাছুর এগ বিজয়র বাছুরগ বুলিয়া বিচারহান এপেইত লমকরলা।