হমেইলগা। বন উহান লালয়া পিঠিয়েদে হালামর গাঙ আহান। উহানাত যানা মনেয়া সালছেগ। খাঙতাকো পথগত দেহেরতা বুড়া হিয়াল আগই বাগা চশমা আহান পিদিয়া পুরানা খবরি কাগজ চিলা আহান মুঙেদে ইলয়া চানা লাগেছে। খাংতাকো বিজয়ে দেহিয়া খালকরল, এ হিয়াল বুজন এগ পণ্ডিতগ পারা অছে, মোর আহৌরি য়ারি এহান এগরাং দিলে কানা অইতেউ পারে। উহান খালকরিয়া হিয়াল বুজন উগরে হমা আহান কাতকরিয়া য়ারিহান দিল। হিয়াল বুজন উগই বিজয়রে মাতল— আরতা না খালকরি, আহের কালি গাঙর বিচারর মানু পুলকরিস, মি মাদান চারি বাজিত আহিতৌ। উতা বুলিয়া বিজয়রে আলকরে দিল। এগদে বিজয় ঘরে আলয়া আহিয়া গাঙর বুজনরে বার্তন দিল। আহের কালি হাব্বিহান তিলয়া বিচারে বহানি বারো হিয়াল পণ্ডিত আগ বিচারে আহিতই উহানৌ মাতল। বিজয়র য়ারিহান হুনিয়া পিছর দিনে মাদান চারি বাজিত্ত মানু তিলয়া বাসেয়া থাইলা। ঘণ্টা আহান পিছে হিয়াল পণ্ডিত উগ তলহান নেই নারিকলর আরি আগল হজক পিয়া পিয়া আয়া ফৌয়ইলগা। কিয়াকা ডিলইল উহান আংকরতে মাতেরহান এহান - পথগত গুরু মইষ আটুয়াছি পথ আগ পানিহান হুরকাং ছড়াশৌ আহান পারা অছে, উহান লালইতে হজকারির টিকিগ পানিহানাত পড়িয়া পানিহান জ্বি