কিতাপারা গাঙ আহানাত বুজন দুগ আছিলা। আগর নাঙ বিজয় বারো আগর নাঙ মণি। বিজয় উগ ইজ্জু মানুগ বারো মণি উগ আক্কলহান থিগ। বিজয় বাঙেদে বারো মণি বাতেদে, দ্বিয়গির ঘরর বুকগত তানুর হিঙর আলিগ। থিনা অয়া আগর লগে আগর গুজুরা গুজুরি নেই, ঘর-ভিটাদে হমাহমি নেই। হানতে মণি বুজন উগরতা ডেহা আল আহান আছিলা, বারো বিজয়রতা আল নেই, সেলকমর গেই আগ আছিলি। আকদিন পারা দিন বিজয়র বাছুর উগ ছুটিয়া গিয়া মণির গুরুকলগত হমেইতেগা বাছুর উগ থেপকরিয়া থবেল্ল, এরে নাদের তার ডেহাগই জরম দেছে বাছুরগ বুলিয়া। বিজয়র গেইগ রহিরি। মণির গুরুকলগত থায়া বাছুরগৌ রহের। তানুর গাঙর বুজনগ রাধাকান্ত। বিজয়ে চেইল তারেল বুঝানিরকা, বাছুরগ মণিয়ে এরেদেনারকা। কিন্তু হিলগত পানি ডালানিহান পারা অছে। এরে নাদের তার ডেহাগই জরম দেছেগ বুলিয়া অর্থাৎ য়ারিহান আকহান। গাঙর বিচার বহিয়া চেইলা, মণিরে বুঝানি নুয়ারলা যে, ডেহাই শৌ জরম নাদতারা এহান। কাদার ঘরগত বাছুরগ রহের বারো ঘরে গেইগ রহিরি। এহান খাংকরে নারিয়া বিজয় ছাত্তিগই লাঠিগই বরিয়া বিচারর মানু বিসারাত পিঠিহানাদে সালো গেলগা। গাঙহান লালয়া লপুক আগ লালয়া বন আহানাত