কুনো দেশ আহানাত হিঞ্চাপি আগই বারো টেইপাঙ মানু জেলা আগই হতিনাহান অয়া আছিলা। হিঞ্চাপি উগরতা জেলাশৌ আগ আছিলি। জেলাশৌ উগর নাঙহান অইলতাই সেনারম্বি। বারো মানু জেলা উগরতা আছিলাতাই মুনিশৌ দুগ নিঙল আগ। নিঙল উগর নাঙহান আছিলতাই কলালেইমা। কনাককালেই সেনারম্বি বারো কলালেইমাই বাপকর উম নাপেয়া আছিলা। বাপক তানু জরম অনার কতদিন পিছে দৌ অয়া গেছিলগা। সেনারম্বি বারো কলালেইমা দ্বিয়গি লেংকাহান অয়া খেলতারা বারো নাছতারা। আকদিন হিঞ্চাপি এগই হতিনকরে মাতিরি— গিদেই, আইনে মাছ ধরিকগা। মানুজেলা উগই মাতল— হাত। দ্বিয় হতিনা হুসু, খলেইল বিল আগত গেলাগা। দ্বিয়গিয়ে বিলগত লামিয়া হুসু বেইতারা। সেনারম্বির মালক হিঞ্চাপি উগই হুদ্দা হরপ ধরিরি বারো কলালেইমার মালক মানু জেলা উগই হুদ্দা মাছ ধরিরি। ধরতে ধরতে হবাকো ধরলা উবাকা হিঞ্চাপি উগই মাতিরি— গিদেই, অকগা অইল এবাকা যিকগা। বুনির শৌ বেলেয়া আহেছৎগ, আক্করে জিঙয়া নাথাই, কা, না ডিলইক। চুমছে বুলিয়া দ্বিয়গি কাইলা। আলয়া আহিতে আহিতে পথগত হেইনৌজার আহান পেইলা উপেই খানি জিরেইক বুলিয়া উজারর তলে জিরেয়া বহিলা। বয়া গজেদে চেইতারা থাংতে গাছ উশপাত মজা