কাটতৌতা। ধুনিল ধনুক আহানৌ নেই। উতা বেলা গরম পাজি কাটানির মেনামগ পেয়া নেই। ইরাইরি হেয়কে নেবুরি, ধনুক, জতরহান যোগার করেদিল। এখুরুমতে অকনেইতাপিয়ে হুতার ডলাল শৌর লারি পুসে পুসে হুতার ডলা উতা কাদার হেইনিংপির বারিহানাত উরা বেলাদিরি। হেইনিংপিয়ে বারো উতাত্ত বাছে বাছে আনিকা উতা বেলেয়া হবা উতা পুলকরল। কিতাপারা দিন আহান অকনেইতাপিরে হেয়কে আংকরের- আইত্তে কিতায়া ভাত ডিলছেতা। হাই হুতাগ মাহি নেবুরতে নেবুরতে ডিলইলতা। অরতে হমেইলুগা থাংতে খেইতেই নাই। ডণ্ডহানাত লমকরতৌ। অকনেইতাপিতে হাবি হুতা শৌর লারি পুসিয়া বেলেয়া লমইল উহানিল হলেইগ আকগ কাটেছে। হেয়কে খালকরের মইলকে ফুতিগ মাহি বুনতই। আকদিন হেয়কে আংকরের— কই হুতার ডেরি উগতে? মইলকে মাতিরি - কাটিয়া হদেইলু নাই। হুতাতে কাটিয়া লমকরলু, ফুতি বুনিং বুলতে হস নেই। হেয়কে মাতের - হাঃ কিতা কিতা যোগার করানি মাতবেনাই। মইলকে মাতিরি- উটং, বেঙ, গুল্লি, সেন্নাম, বয়জু, লানটুম, লাংচাক, তেরেং, তামাং আকতাউ নেই, কিতাল ফুতি বুন বুলরগ। হেয়কে হাব্বি কুরাং কুরাংত খমকরিয়া আনলগা, মাতের— কুনদিন ফুতিহান অকরতেই? মইলকে মাতিরি— হুনা