থাং? হেয়কে আংকরের। হাই জতরহানর গড়গ ছিড়েছে বরগল্লা আগ আনগা। আনিয়া জতরহানর গড়গ টিংদেদে। হেয়কে মাতের— হুতা নেই সময় এহানাত তি বারো জতর টিংদানিত গইগ অছত। কিহান অছে থাং? মইলকে মাতল— উহান পিছেদে আংকরিছ, উরে নেবুরিহানর গজর বলুনিগ টুময়া হুতা পিড়ানি নাকরের, উগ থক্ক সিলকরেদে। কিহান করতৌ আপ্পানেউ দেখতেই। হৌগদে অকনেইতাপির হেয়ক উগই কুকিরাত হুতা মণ আহান আনলগা। বাকি দ্বিসের আনলগা। সের আহানর হলেই হুতার গিরি কুকি উগরে দেনা। বাকি সের উহানর হলেই নিজে থনা। হুতার ফুল শাতর উবাকা হবা অয়া সম্পূর্ণ ফুটের উতারে বুং বুলতারা। বারো আধাকাচা ফুটের উতারে এককরা হুতা বুলতারা। এতার ছাটুয়া নিকুলের উতারে রাঙা হুতা বুলতারা। রাঙা হুতা হুয়ার করিয়া কাটিয়া লাঙৌ বুনতারা। মতকাসাকপি লাঙৌ বুল্লা। অকনেইতাপির হেয়কে আনেছে হুতা উতা হুদ্দা পাচতগ পারা বুং। বুং উতা আনেদিয়া মইলকরে মাতের, গিথানক বুন কতি পারুরিতা বুন। কাদার বেয়াপা এগরে জিঙানি তালকর। এতা লমকরলে আরাকৌ আনেদিতৌগা। মইলকে মাতিরি— বুনতে বুলর, এগদেতে নেবুরিহান নেই, তামাং নেই, নাটুয়া নেই, জতর নেই কিতাল পাজি