দেশ আহানাত হেইমাক আহান আছিলা। মইলক উগ কুড়িয়ারমা খম থেঙছে। কাদাত বারো বেয়াপা আগ আছিলি নিয়াম কামে হেইনিং। কাদার বেয়াপা উগই কুলিকাটুনি করিরি উতা মানুয়ে চেয়া থাইতারা। জাত জাতর মাঠা, চাপড়, লেইরুম, ধলেইবি, মাঠার কানি, দ্বিচাকার মাঠা, ইরুফি, কীর্তনর খুত্তেই, লাঙৌ, চাকচাবি গলিছার ফিটা বুনিরি। কুড়িয়াচেলপির হেয়ক এগই এতা নিক্কা দেহের। আকদিন মইলকরে মাতের— অ হুনা গিথানক, তি পারা আগ কাদাত আছে, আমার বনক এগই কিতা কিতা কুলিকাটুনি করিরিতা নাদেহুরিতা, তোরতাতে হবা মানু আগ আহিলে বহেইবে ফিটাহানৌ নেই। অতিথ আগ আহিলে ইরুফি আহান দিয়া নুয়ারতেই, মানু সেপ বেসেপে আকদিন ঘুমজিক বুললে পারেদেনার মাঠা চিলাহানৌ নেই। এসাদে কিসাদে টেইপাঙ মানু অয়া কানা নেই, জরম দেছত শৌ এগিল তোর বেয়াপার ঘরে যাগা। হুনিয়া তেই এগ ডরপেইল। ডরপেয়া মাতিরি— তি নিয়াম অকনেইগ পারা পাছত, শৌর জঞ্জগল কিত্তাউ নাকরুরি থাংতে মোরে জবর লেইকরর। হাইদে হুতা আনগা কিহান করুরিতা দেহেইতৌ। হেয়ক হারৌ অইল মোর মইলক অকপিগ বুলিয়া। কাদার বেয়াপা এগই দ্বিয় হেয়মাকে ঠারেইতারা এহান হুনিরি। তেই হেয়করে মাতিরি- হুনরগ হুনরগ। কিগ