দেশ আহানাত রাজা আগ আছিলতা। উতাপারা রাজাগিরি উগরতাতে ডাঙর ফুলর বাগান আহান আছিল। স্বর্গর পারিজাতেত্ত অকরিয়া নেইব জাতর ফুল নেই। চেইতেতে এতাপারা মনোহর। ফুল শাতনি অকরলে কিহান অইতই উহান খালকরলে পানতামনার ফাম নেই। রাজ্যহানরমা হাবিত্ত কুপ নজরহান ঔ ফুলর বাগান উহান রাজাগিরিরতা। পাহারাদারিরতা রাতি দিন হাবিপরে মিকুপ আহান পেয়া লেমেদে যানা নাইতই। ফুলর বাগান উহানর হাদিরমা পিড়া আকেইহান, হাদিতৌ বারো বয়া বৌ খানারকা রুপাল বান্ধেয়া মক্ষি নকশার আতআলা চিয়ার বারো মখমলর ফুতিল খেতকরা ফ্রেম দিয়া নুঙেইপা চিয়ার বারো উতার হাদিত জাত জাতর হেজাক লাইট। আরাকৌ মনোহর সাজসজ্জা অরতে ইমে রাজার বাগান বুল্লা নাই। দিন যারগা, হাপ্তা যারগা, মাহা যানা নুয়াইল। রাজাগিরি খৌরাঙ আকয়া সন্দেহ হমেয়া খাংকরল। পাহারাদারি সিলকরানি অকরল। থাঙৌ ফুল আগ পেয়া না শাতর। মুরগত হবানেই চিন্তা হমানি অকরল মহারাজারতা। পাহারাদারির চাকুরি বাতিল, অমাটিক পরিশ্রম, জিপুতর মুরে দরিয়া সাঙগাল করানি অকরলা থাঙৌ কুনো উপায় নেই। এখুরুমতে রাজ্যত্ত তালকরাত লেপইল। কুড়ি দেহানি অকরলা ফুল নাদেখতারা। হুদ্দা এরে হাওয়া এহানে