তার আহিগি জ্বিলকানি অকরল। গুজুরনহান লেহে মাটি এহান চিলা চিলা অইব মাটিক নিক্করানি অকরল। গাঙর মানু ঔতা পরলেই আহান অইল-এ বুলিয়া হাবি দিনহানর তলে পুলইলাহা। ধান পার দিল জেলা ঔগরে যুৎকরে গালেইলা। হাবিহানে দিনহানরে হমাদিয়া ডিগলগ অয়া পড়িয়া মাগলা— হে দৌরাজা গিরক, না সৌয়ইনে। খানি তাপথা অ দেনে। আমার গিথানক আগই হার নাপেয়া লাল কাম আহান করে বেলাছে। তেইরে ক্ষমা করেদে। তাপথা অ’দে। বারো আই, তলে লামিয়া আই। আর নাকরতাঙাই। হে দৌরাজা গিরক। দিনহান খানি চামইল। দৌ জিলকানিহান কমইল। তা তলেদে চেয়া মাৎল, '-হে মোর গাঙর মানু। মি হুদ্দা গজেদে কানাহে জানুতা। তলেদে লামানি মি নাজানুয়ে। মি আর তলে লামানি নুয়ারতৌ। তোমার কাদাৎ আর আহানি নুয়ারতৌ, তোমার তুলো বয়া য়ারি দেনা নুয়ারতৌ।' দিনহানর কথাহান হুনিয়া গাঙর বুজন, কনাক, হাবিয়ে রৌ মেলে মেলে কাদানি অকরলা। দিনহানর তেরার হাদিৎ লুকালুকি খেল্লা, জুনাকহানাৎ বয়া য়ারি হুনলা তার হাবিত্ত বানার গাঙর শৌ উতা আত টিংদে টিংদে রৌ মেলে মেলে কাদতারা ঔহান দেহিয়া দিনহানৌ আর জারে নুয়ারিয়া আহির পানি বেলা বেলা জুরি জুরি কাদানি অকরল। তার আহির