পানিত জাবুরাদিয়া তিঙা কান্থাহান রইদে থইল। জেঠা উগই মনে মনে খালকরের, আজিতে জারহানৌ জবর অসে হানতে আমার আপাঙ উগই রইদহানাত কান্থাহান দিয়া থ’থাইব। এবাকাতে ঘুম আহান দিংগা বুলিয়া জেঠা উগই দড়িগাসে লাময়া আসে কান্থাহান আসুল দিয়া দেহেরতা কান্থাহানতে তিঙেসে। জেঠা উগ জিগর সাদে সৌয়য়া মাতের- তিতে এহান কিহান বুলিয়া করেসতহান? মানু করে নাদেহরতা? উহানাত খুলা উগই মাতের- দাদা কিয়া সৌয়য়া টটরারতা? দিনে কান্থাহানতে মোরহান হানতে যেহানৌ মি করে পারুরি। জেঠা উগই আর না টটরল । থাংনাত গুরুগর সেলকম চিপানির সময়হান আহিল। জেঠা উগই বালতিগল সেলকম চিপের সময় উহানাত খুলা বেয়ক উগই শিংলতগ গেইগর কানহানাত বরেয়া লারেইলহানতে জেঠা বেয়কে চিপের সেলকমর বালতিগ গেইগই চাঠিয়েয়া সেলকম হাবি বেলাদিল। জেঠা উগই কিত্তা আহান মাতে নুয়ারল; কিয়া বুল্লেতে গুরুগর মুরগর বারাহান খুলা উগর বাটহান, তার বাটহানাত তা মনেইল উহান করে পারের। বারো কতদিন থায়া জেঠা উগ ফলগি ছিড়ানিরকা বুলিয়া গাছজারিত কাইলগা; কায়া ফল ছিড়ের সময় উহানাত খুলা উগ বানুক আহানল গাছজারির গুরিগত আহিল। আয়া যে গাছজারিত বেয়ক কাসেগা ঔ গাছউজারির