মধুপুর বুলিয়া গাঙ আহান আসিলতা। গাঙ উহানাত বুড়া আগরতা মুনিজিপুত দুগ আসিলা। এতাপারা দিন আহানাত বুড়া উগ মরে পড়িলগা। বাপক মরানিয়ে জিপুত দ্বিয়গিয়ে সম্পত্তিহান বাট বাটানির সিজিল করলা। জেঠা পুতকর নাঙ খেনি সিং বারো খুলা উগর নাঙ খেনি আপাঙ। জেঠা বেয়ক উগই যেহান মাতের উহান খুলা উগই য়াকরের। এসাদে দিন এতা যারগা। জেঠা উগই আকদিন খুলা বেয়করে মাতের— তিয়ে মিয়ে বেইবুনি হানতে সম্পত্তি এতা দ্বিয়গিয়ে বাটাবাটি করিয়া চলতাঙাই। খুলা বেয়ক উগই রায়হান দিল হাই বুলিয়া। খুলা বেয়করে মাতের জেঠা উগই— পইলা কান্থাহান আসে এহান আগে বাটিক। তি দিনে কান্থাহান নিসগা, মি রাতি নিতৌগা। দাদাই যেহান মাততেই উহান বুলিয়া খুলা উগই হাই বুল্ল। তা নিক্কা নিক্কা কান্থাহান রইদহানাত দিয়া হবা করে তপ্তাগ করিয়া থর। জেঠা বেয়ক উগই রাতি ঔ কান্থা উহান উরিয়া নুঙেই অয়া ঘুমজার। খুলা উগই দিনে কান্থাহান রইদহানাত সরাদিয়া তপ্তা করিয়া বেয়করে দাদিয়া রাতি জারহানাত খিটখিটেয়া ঘুমজার । পিসেদে গুরুগ বাটানির পালাহান আহিল। জেঠা উগই খুলা উগরে মাতের— তি গুরুগর মুরগর বারাহান নেগা, মি পিঠির বারাহান নেউরিগা। খুলা উগই হাই